Féile Náisiúnta Drámaíochta
| ||||
| Cineál | féile amharclannaíochta  | |||
|---|---|---|---|---|
| Suíomh | 2025: Maigh Chromtha, Éire 2026: Cathair na Mart, Éire 2027: Baile Átha Luain, Éire | |||
| Tír | Éire | |||
| Moltóir | Oireachtas na Gaeilge | |||
Tá an Fhéile Náisiúnta Drámaíochta á heagrú ag Oireachtas na Gaeilge (á eagrú ag Comhlachas Náisiúnta Drámaíochta roimhe sin). Bíonn drámaí Gaeilge do dhaoine fásta ó cheithre chúige na hÉireann le feiceáil ag an bhFéile Náisiúnta Drámaíochta.
Bronntar gradaim faoi dheireadh na féile ar son feabhais san aisteoireacht, san scríbhneoireacht, sa léiriúchán, agus catagóirí nach iad.[1]
Sa bhreis ar an ndrámaíocht féin bíonn imeachtaí ceoil ar siúl mar chuid den fhéile.[2][3]
Eagraíocht
[cuir in eagar | athraigh foinse]Cuirtear fáilte roimh iarratais ó ghrúpaí aisteoirí le Gaeilge chun a gcuid drámaí a léiriú mar chuid den fhéile. Bíonn éagsúlacht sna léiriúcháin a thugann na compántais chun stáitse – chomh maith leis na drámaí (fada agus gearr), glactar le drámaíocht dhúchasach (scéaldrámaí, agallaimh bheirte, lúibíní agus scéalaíocht). Bíonn bronnadh na ngradam ag an bhféile freisin.[4][3]
Bíonn léirmheastóirí aitheanta i measc an lucht féachana a thugann aiseolas ar gach dráma, a shíl Máire Ní Fhearraigh ó Ardán Mhaigh Eo a bheith "iontach cothrom", lena n-áirítear pointí go bhféadfaí feabhas a chur orthu.[3][5]
Cuireann an Oireachtas pacáistí tacaíochta ar fáil ag freisin don drámaíocht amaitéarach, idir nua agus seanbhunaithe.
2025
[cuir in eagar | athraigh foinse]Reáchtáladh Féile Náisiúnta Drámaíochta na bliana 2025 in Amharclann Bhearna na Sceiche, Maigh Chromtha, Co. Chorcaí.[4][6]An Páipéar Léiríodh éagsúlacht seánraí, ina measc: drámaí ilghníomh, gearrdhrámaí agus sceitsí.
Ba í seo an chéad bhliain ar reáchtáil an Comhlachas Náisiúnta Drámaíochta an fhéile faoi scáth an Oireachtais, faoi réir chlár maoinithe na Roinne Turasóireachta, Cultúir, Ealaíon, Gaeltachta, Spóirt agus Meán.[4] De réir RTÉ, bhí "an-rath" ar an fhéile na bliana sin.[7]
2026
[cuir in eagar | athraigh foinse]Is i gCathair na Mart a reáchtáladh an Fhéile Náisiúnta Drámaíochta i mbliana ó 19–21 Márta 2026, agus compántais ó gach cúige le feiceáil.[8][2][3] B'iad Áine Máire Ní Óráin agus Mícheál Ó Meallaigh moltóirí na féile. Thug Muireann Ní Dhroighneáin, Comhordaitheoir Náisiúnta Taibhealaíon an Oireachtais, suntas don oiread compántas nua a bhí ag éirí leo léirithe ar ardchaighdeán a chur chun stáitse.[9]
Is ar Chumann Drámaíochta Naomh Pádraig (Cathair na Mart) a bronnadh an gradam is mó, "Dráma na Féile", as an dráma nuascríofa An Rud Eatarthu le Séamas Mac Eachmharcaigh. Bronnadh an duais sa chatagóir "Léiriú / Stiúradh" thar ceann léiriú Aisteoirí Bhréanainn (Ciarraí) ar Scaoil leis an gCaid le Breandán Mac Gearailt ar Mharina Ní Dhubháin, agus Sláine Ní Chathalláin agus Bríd Criomhthain mar stiúrthóirí cúnta aici. Bhí an duais don "Aisteoir is Fearr" ag dul do Pádraig Ó Briain (Aisteoirí Chúil Aodha) agus d'Alanna Ní Mhíocháin (Cumann Drámaíochta Naomh Pádraig). Bhuaigh Míle Murder i Muine Bheag le Cathal Ó Catháin an gradam don "Script is Éifeachtaí" agus b'iad Ardán Mhaigh Eo a bhain an gradam sa chatagóir "Prapaí / Cultacha" as a léiriú de Na Spéaclaí Draíochta. Luadh mar "Rogha na Léirmheastóirí" léirithe Aisteoirí Ghaoth Dobhair ar Chuairt an Uachtaráin, Aisteoirí an Sciobóil ar Bhiseach, agus Aisteoirí an Spidéil ar An tOthar agus Oifig an Phoist.[9][10]
2027
[cuir in eagar | athraigh foinse]Beidh Féile Náisiúnta Drámaíochta 2027 ar siúl i mBaile Átha Luain ar an 18–20 Márta.[9]
Féach freisin
[cuir in eagar | athraigh foinse]- An t-agallamh fileata
- Seán Ó Morónaigh (1940-2023)
Tagairtí
[cuir in eagar | athraigh foinse]- ↑ Méabh Ní Thuathaláin (2018-04-30). "Ní foláir do lucht earnáil na drámaíochta Gaeilge ‘teacht le chéile’ agus ‘cur chuige nua’ a cheapadh – Ardstiúrthóir TG4". Tuairisc.ie. Dáta rochtana: 2026-02-22.
- 1 2 "Féile na Seachtaine" (18 Márta 2026). Seachtain: lch 2.
- 1 2 3 4 "Féile Náisiúnta Drámaíochta coming to Mayo" (as Béarla ⁊ Gaeilge). The Connaught Telegraph (2026-03-11). Dáta rochtana: 2026-03-24.
- 1 2 3 Nuacht RTÉ (2025-04-10). "Drámaíocht na Gaeilge ar ard-chaighdeáin".
- ↑ "Maidhc P Ó Conaola, Aisteoirí an Spidéil & Máire Ní Fhearraigh, Ardán Mhaigh Eo.". Raidió na Gaeltachta (2026-03-23). Dáta rochtana: 2026-03-24.
- ↑ "Scoth na Dramaíochta ag an bhFéile Náisiúnta" (11 Aibreán 2025). An Páipéar.
- ↑ "Aisteoirí agus scríbhneoirí buacach ag Féile Náisiúnta Drámaíochta". RTÉ (10 Aibreán 2025). Dáta rochtana: 22 Feabhra 2026.
- ↑ "An Fhéile Náisiúnta Drámaíochta". An tOireachtas. Dáta rochtana: 22 Feabhra 2026.
- 1 2 3 "Rath agus réimse le feiceáil ag Féile Náisiúnta Dhrámaíochta 2026 i gCathair na Mart" (27 Márta 2026). An Páipéar (73).
- ↑ "Torthaí Fhéile Náisiúnta Drámaíochta 2026". An tOireachtas (23 Márta 2026). Dáta rochtana: 2026-03-24.