Alexandre de Bernay

Ón Vicipéid, an chiclipéid shaor.
Jump to navigation Jump to search
Li Romans d'Alixandre le Lambert le Tort agus Alexandre de Bernay, eagrán Gearmánach ón mbliain 1846.

Scríbhneoir Normannach, a rugadh i mBernay na Normainne agus a mhair insan 12ú haois, ab ea Alexandre de Bernay. Tugtar Alexandre de Paris air leis, toisc go raibh cónaí air i bPáras.

Beatha[cuir in eagar | athraigh foinse]

Is ar na saothair Élène, mère de Saint Martin (Gaeilge: 'Héilin, máthair Shan Máirtín'), Brison, agus Atis et Porphylias (Gaeilge: 'Atis agus Porphylias'), rómáns a d'aistrigh Alexandre de Bernay ón Laidin dar leis féin, a bhunaigh sé a cháil ar dtús. Fairis na saothair sin, do lean sé ar aghaidh le Li Romans d'Alixandre (Gaeilge: 'Rómáns Alastar Mhóir'), fé mar a dhein scríbhneoirí eile na Meánaoise - Thomas de Kent, mar shampla. Rómáns ab ea é a raibh beatha mhórchoncaire na Macadóine, Alastar Mór, mar ábhar aige agus a bhí bunaithe ar an saothair fé bheatha an choncaire a chum Quintus Curtius Rufus agus ar shaothar de chuid Ghautier de Châtillon, Alexandriade. Cé nárbh é Alexandre de Bernay é féin a chuir tús leis an nós rómánsaí a chumadh fé bheatha Alastar Mhóir, ach scríbhneoirí a tháinig roimhe - Albéric de Pisançon agus Lambert le Tort, go háirithe -, do bhí clú agus cáil ar leith ar an rómáns a chum sé. Is féidir linn a rá, mar shampla, gurbh é de bharr rómáns Alexandre de Bernay go dtugtaí alexandrin, ón 15ú haois amach, ar an meadaracht le dhá shiolla déag ins gach líne véarsaíochta, meadaracht a mbeadh an-rath ar fad uirthi i bhfilíocht na Fraince.[1]

Saothair[cuir in eagar | athraigh foinse]

  • Le Roman d'Alexandre, curtha in eagar ag Laurence Harf-Lancner agus Edward Cooke Armstrong (Páras: Livre de Poche, 1994)
  • L'Ystoire de la belle Helayne de Constantinople, mère de Saint Martin de Tours en Touraine, et de Saint Brice, son frère (Gaeilge: 'Scéal Héilin Álainn Chathair Chonstaintín, máthair Shan Máirtín, ó Thours i dTouraine, agus a dhearthár, San Brice'), curtha in eagar ag Jean Wauquelin agus Joseph Van den Gheyn (Bruiséil: Vromant, 1913)

Tagairtí[cuir in eagar | athraigh foinse]

  1. Laurence Harf-Lancner, "De l'histoire au mythe épico-romanesque : Alexandre le Grand dans l'Occident médiéval", lch. 70-71.

Foinsí[cuir in eagar | athraigh foinse]

  • Pierre René Auguis, Les Poètes françois, depuis le XIIe siècle jusqu’à Malherbe (Páras: Crapelet, 1824)
  • Alfred Foulet, The Medieval French roman d’Alexandre (Paris: PUF, 1976)
  • Catherine Gaullier-Bougassas, Les Romans d’Alexandre : aux frontières de l’épique et du romanesque (Paris: Champion, 1998) (ISBN 2-85203-678-9)
  • Laurence Harf-Lancner, "Alexandre le Grand dans les romans français de la fin du Moyen Âge. Un héros de la démesure", Mélanges de l’Ecole française de Rome. Moyen Âge, 112/1, 2000, lch. 51-63 [le fáilt ar líne]
  • Laurence Harf-Lancner, "Le personnage d’Alexandre le Grand dans la littérature narrative française du XIIe au XVe siècle : mythe et roman", i Los caminos del personaje en la narrativa medieval : actas del Coloquio internacional (Santiago de Compostela, 1-4 diciembre 2004) (Florence : SISMEL, 2006), lch. 61-75.
  • Laurence Harf-Lancner, "De l'histoire au mythe épico-romanesque : Alexandre le Grand dans l'Occident médiéval", i Michèle Guéret-Laferté, Daniel Mortier, D'un genre littéraire à l'autre (Mont-Saint-Aignan: Publications des universités de Rouen et du Havre, 2008) (ISBN 9782877754460), lch. 63-74