Alberto Moravia

Alberto Moravia
uachtarán
Feisire de Pharlaimint na hEorpa
Saol
Ainm iomlán	Alberto Moravia
Eolas breithe	An Róimh, 28 Samhain 1907, 22 Samhain 1907
Náisiúntacht	Iodáil
Áit chónaithe	maison-musée d'Alberto Moravia (fr)
Bás	An Róimh, 26 Meán Fómhair 1990
Áit adhlactha	Campo Verano (en)
Muintir
Céile/Céilí	Elsa Morante (Aibreán 14, 1941 - 1961); Carmen Llera (1986 - Meán Fómhair 26, 1990)
Páirtí/Páirtithe	Dacia Maraini
Siblíní	liosta iomláin Adriana Pincherle;
Oideachas
Teangacha	An Iodáilis
Gairm
Gairm	scríbhneoir, iriseoir, úrscéalaí, scríbhneoir scripte scannáin, drámadóir, polaiteoir, file, stiúrthóir scannán agus léirmheastóir
Áit oibre	Strasbourg agus An Bhruiséil
Saothar iomráiteach	Gli indifferenti (en) ; Il conformista (en) ; Racconti romani; Agostino (en) ; Contempt (en) ; La noia; Moi et Lui (fr) ; La disubbidienza; La donna leopardo
Duaiseanna	Marzotto Prize (1954) ; Strega Prize (1952) ; Viareggio Prize ; Viareggio-Versilia International Prize (1983)
Ainmníodh é/í le haghaidh	Duais Nobel sa Litríocht ; (1949) ; Duais Nobel sa Litríocht ; (1955) ; Duais Nobel sa Litríocht ; (1957) ; Duais Nobel sa Litríocht ; (1958) ; Duais Nobel sa Litríocht ; (1959) ; Duais Nobel sa Litríocht ; (1960) ; Duais Nobel sa Litríocht ; (1961) ; Duais Nobel sa Litríocht ; (1962) ; Duais Nobel sa Litríocht ; (1963) ; Duais Nobel sa Litríocht ; (1964) ; Duais Nobel sa Litríocht ; (1965)
Ballraíocht	Acadamh Ealaíona agus Eolaíochtaí Mheiriceá
Sloinnte	Alberto Moravia
Gluaiseacht ealaíne	úrscéal; screenplay (en) ; aiste
Cleamhnú
Reiligiúin	An tAindiachas
Páirtithe polaitíochta	Páirtí Cumannach na hIodáile
IMDb	nm0603179
Discogs ID	1031996

Duine de phríomhscríbhneoirí na hIodáile sa bhfichiú céad ab ea Alberto Moravia (ainm cleite de chuid Alberto Pincherle (1907-1990). Rugadh sa Róimh, chaith sé blianta dá óige i sanatóir, ionfhabhtaithe le heitinn scamhóige. Sna fichidí is na tríochaidí bhí sé faoi dhrámh rialtas Faisisteach Mussolini agus thaistil taobh amuigh den Iodáil agus chónaigh sna Stáit Aontaithe ar feadh scathaimh. Ina chéad úrscéal, Gli indifferenti (Na Fuaránaigh, 1929), a bhí an-rathúil, tugann sé tuairisc neamhbhreithiúnasach, ach thar a bheith éifeachtach, ar shochaí meata buirgeoiseach na Róimhe, an fhuarchúis, agus an glacadh le morgthacht a bhí de réir tréithe an ama sin. Ina chéad úrscéal eile, La romana (An Bhean Rómhánach, 1947), pléann sé fadhbanna an lucht oibre, arís ina stíl oibiachtúil ach faobhrach. Ina úrscéal, L’amore coniugale (An Grá Pósta, 1949), díríonn sé a dhearcadh micreascópach ar an ngné seo den saol meánaicmeach san Iodáil. Ansin ina úrscéal, Raconti romani (Scéalta Rómhánacha, 1954), díríonn sé ar mhorgthacht na meánaicme íochtaraí. Leabhair shuntasacha eile uaidh ab ea L’attenzione (An Rabhaidh, 1965), La vita interiore (An Bheatha Inmheánach, 1978), agus L’uomo che guarda (An Fear a Fhaireann, 1985).

An Grá Pósta[cuir in eagar | athraigh foinse]

D'aistrigh an tOllamh Matthew Hussey L’amore coniugale ón Iodáilis mar An Grá Pósta, foilsithe ag Coiscéim i 2016. Is úrscéal gairid é, ar iarracht scríbhneora a théann amuigh faoin tuath lena bhean chéile chun scríobh, mar a bheadh i gcluiche scáthán, ar an ngrá pósta. Ach go mall, caolaíonn an iarracht a mbeatha le chéile a mhionscrúdú agus an nasc geanúil anghrách a chaomhnú agus a thuairisciú i bhfoirm scríofa. Déanta na fírinne claochlaítear réaltacht chasta an ghrá phósta, de réir mar a thagann an scéal le bheith scríofa síos ag an gcathurra scríbhneora, go dtí go dtagann sé le bheith déanta é a shábháil agus a chaomhnú. Nochtaítear na ceangail agus na codarsnachta idir an bheatha thochtach agus an bheatha chultúrtha, idir fhuinneamh gnéasach agus chruthaitheacht, agus iad iniúchta ag Moravia lena ghnáthghéire gan aon ghéilleadh do mhínithe seasca síceolaíocha.