Albert Hahn

Albert Hahn

Beathaisnéis
Breith	17 Márta 1877 Groningen, An Ísiltír
Bás	3 Lúnasa 1918 41 bliana d'aois Watergraafsmeer, An Ísiltír
Siocair bháis	Bás nádúrtha (Eitinn)
Áit adhlactha	Grafmonument van Albert Hahn (en)
Faisnéis phearsanta
Scoil a d'fhreastail sé/sí	Academie Minerva (en) Quellinusschool (en)
Teanga dhúchais	an Ollainnis
Gníomhaíocht
Suíomh oibre	Semarang
Gairm	ealaíontóir, editorial cartoonist (en) , ealaíontóir grafach, eitseálaí, liteagrafaí, maisitheoir, péintéir, maisitheoir, scigealaíontóir, commercial artist (en)
Tréimhse oibre	1892 –  1918
Teangacha	An Ollainnis
Ghlac sé/sí páirt i
1 Lúnasa 1936	D.O.O.D. (en)
Teaghlach
Duine muinteartha	Albert Hahn jr. (leasleanbh)

Cartúnaí polaitíochta, caricaturí, ealaíontóir póstaer agus dearthóir clúdaigh leabhar ab ea Albert Pieter Hahn (17 Márta 1877 – 3 Lúnasa 1918); clú agus cáil air as a dhearcthaí sóisialach agus frithmhíleatacha. Baineadh úsáid rialta as cuid dá líníochtaí, go háirithe líníochtaí stailceanna iarnróid den bhliain 1903, i dtéacsleabhair staire. Bhí a mhac uchtaithe, Albert Hahn óg, ina ealaíontóir freisin..

Beathaisnéis

Rugadh do theaghlach bocht é; an rud a chuirfeadh sé síos air ina dhiaidh sin mar "fatsoenlijke armoede"" (Gaeilge: "bochtaineacht mheasúil "). Phéinteáil a athair comharthaí agus gloine agus rinne sé frámaí. Cé go raibh a mháthair agus a dheirfiúracha ina mbaill den eaglais Mheinniníteach, bhí a athair frithchléireach Bhí an bheirt deartháireacha dá chuid ina mbaill de ghluaiseacht an tsaothair.

Léaráid deiridh Hahn ar chlúdach an iris sheachtainiúil Notenraker.

Nuair a bhí sé naoi mbliana d'aois, bhuail an eitinn é ina veirteabraí agus ní raibh sé in ann an scoil a chríochnú. Agus é dhá bhliain déag d'aois, nuair a tháinig feabhas éigin ar a riocht, bhí sé ina phrintíseach ag a athair. Cúpla bliain ina dhiaidh sin, chláraigh sé ag Academie Minerva . Cuireadh isteach ar a chuid oiliúna ansin trí atarlú a ghalair, rud a chuir iallach air dhá bhliain a chaitheamh in ospidéal. Ag seacht mbliana déag d'fhill sé ar an Academie.

Sa bhliain 1896, chonaic sé saothair Van Gogh ag taispeántas i nGroningen, a raibh tionchar domhain buan aige. An bhliain chéanna sin, a bhuíochas le deontas rialtais, chláraigh sé ag an " Teekenschool voor Kunstambachten " in Amstardam agus, tar éis dó céim a bhaint amach, rinneadh múinteoir líníochta de i scoil theicniúil.

Ba é an tsuim mhéadaithe a bhí aige sa sóisialachas ba chúis leis dul isteach i bPáirtí na nOibrithe Sóisialta Daonlathach (POSD). Bhain ceann dá chéad tionscadail mar bhall le staidéar ar staid na tithíochta in Amstardam. An toradh a bhí air ná leabhrán 100 leathanach darbh ainm "Krotten en Sloppen" (Botháin agus Slumaí), a foilsíodh sa bhliain 1901, lena líníochtaí.

An bhliain dár gcionn, reáchtáil Het Volk, nuachtán sóisialach, comórtas chun ealaíontóir a aimsiú dá bhforlíonadh seachtainiúil Dé Domhnaigh. Roghnaíodh Hahn agus síníodh é le conradh buan. Go gairid, thosaigh sé ag cruthú cartún polaitiúil i dteannta léaráidí; do De Notenkraker chomh maith le Het Volk, agus sa bhliain 1905, bhí sé in ann éirí as a phost múinteoireachta. Tar éis thús an Chéad Chogadh Domhanda, dhéileáil a chuid saothar beagnach go heisiach leis an mbás agus an scrios gan ghá a cháineadhh.

Cé go raibh athiompuithe tromchúiseacha aige ó am go chéile, sa bhliain 1911 phós sé an Lemkje Dijkman a fuair colscaradh le déanaí, d'uchtaigh sé a beirt mhac, agus bhí beirt iníonacha acu. Sa bhliain 1918, díreach roimh dheireadh an chogaidh, fuair an eitinn an ceann is fearr air. Thar a ghairm bheatha, chruthaigh sé níos mó ná 4,000 líníocht. Reáchtáladh bailiúchán iardhearcach mór ar a shaothar ag an Nederlands Persmuseum sa bhliain 2000.

Póstaeir roghnaithe

• 
  Taispeántas ag an Stedelijk Museum] (1916)
• 
  Taispeántas Coilíneachta Semarang1914 (1914)
• 
  "Tá an Teach Tábhairne Dúnta ", feachtas frith - alcólachais (1913)
• 
  "Vóta Dearg ", don SDAP (1918)
• 
  Cuideachta árachais Providentia (1900)

Tuilleadh léitheoireachta

• Marien van der Heijden: Albert Hahn, Nationaal Vakbondsmuseum, Thomas Rap, 1993 ISBN 90-600-5383-4
• Leonard de Vries (ed.): Het Beste van Albert Hahn, Elsevier Bibelotreeks, 1984. ISBN 90-10-05055-6
• Koos van Weringh: Albert Hahn; tekenen om te ontmaskeren, Arbeiderspers, 1983 ISBN 90-295-5722-2
• Albert Hahn jr.: Prenten van Albert Hahn Sr. Een keuze uit zijn werk., Uitgeverij Becht, 1928

Naisc sheachtracha

• "Albert Hahn en de industriële Revolutie" @ Histoforum
• Albert Hahn Senior @ the Lambiek Comiclopedia.
• "Albert Hahn: Praised and Hated" Curtha i gcartlann 2025-02-12 ar an Wayback Machine by Rob Ruggenberg (with more images) @ The Heritage of the Great War.