Aarne Haapakoski

Ón Vicipéid, an chiclipéid shaor.
Jump to navigation Jump to search
Aarne Haapakoski
Aarne Haapakoski.jpg
Saol
Eolas breithe Pieksämäen maalaiskunta (en) Aistrigh, Márta 18, 1904
Náisiúntacht An Fhionlainn
Bás Málaga, Eanáir 24, 1961
Áit adhlactha English Cemetery in Malaga (en) Aistrigh
Oideachas
Teangacha An Fhionlainnis
Gairm
Gairm scríbhneoir, scríbhneoir ficsean eolaíochta agus iriseoir
Sloinnte Outsider

Iriseoir Fionlannach agus scríbhneoir lónléitheoireachta ab ea Aarne Haapakoski, mar a thugadh sé air féin. Rugadh i bPieksämäki ar an 18ú de mhí Márta bhliain 1904 é mar Aarne Laitinen, agus d'éag sé ar an 24ú lá de Mhí Eanáir sa bhliain 1961, i Málaga, sa Spáinn.

Scríobhadh sé scéalta eachtraíochta faoin ainm cleite Outsider. Chuaigh sé i mbun pinn ag cumadh eachtraí éadroma i ndiaidh an Dara Cogadh Domhanda, nuair a bhí muintir na Fionlainne in ísle brí, agus cheap sé beirt laochra Fionlannacha a bhí in ann teacht slán as dainséir an tsaoil mhóir, mar atá, Pekka Lipponen agus Kalle-Kustaa Korkki.

Fuair an náisiún an chéad aithne ar an mbeirt ar an raidió sa bhliain 1945, agus bhí a gcuid eachtraí á gcraoladh go laethúil go dtí go bhfuair an scríbhneoir bás.

Cé is moite de Lipponen agus Korkki, tá clú ar Haapakoski mar scríbhneoir ficsin eolaíochta. Sna blianta 1947-1948, d'fhoilsigh sé sraith de scéalta faoi eachtraí an róbait Atorox.

Tagairtí[cuir in eagar | athraigh foinse]