Ógra Fhianna Fáil

Ógra Fhianna Fáil

Sonraí
Cineál	ógeagraíocht polaitíochta
Foirm dlí
Dáta a bunaíodh	1975
Suíomh gréasáin	ogra.ie

Is gluaiseacht pholaitíochta don óige é Ógra Fhianna Fáil. Bhunaigh iarcheannaire an pháirtí Seán Ó Loingsigh RIP an eagraíocht sa bhliain 1975 faoi threoir rúnaí ginearálta an pháirtí, Séamus Ó Braonáin (Séamus Brennan). Tá sé gníomhach ar bhonn uile-Éireann, le craobhacha (ar a dtugtar cumainn) in institiúidí móra tríú leibhéal agus i dtoghcheantair pharlaiminteacha i bPoblacht na hÉireann . I dTuaisceart Éireann. Eagraítear é ar bhonn contae agus cathrach, in éineacht le craobhacha tríú leibhéal in Ollscoil Uladh agus Ollscoil na Banríona, Béal Feirste. I mí Dheireadh Fómhair 2014 d'éirigh Ógra le bheith ina bhall iomlán den eagraíocht European Liberal Youth ag a gcomhdháil bhliantúil i mBeirlín.

Ballraíocht

Tá ballraíocht d’Ógra Fhianna Fáil oscailte d’aon duine idir sé bliana déag agus tríocha bliain d’aois a thacaíonn le haidhmeanna agus idéil na heagraíochta agus iad siúd an pháirtí ghinearálta féin.

Uachtarán

Ó bunaíodh an eagraíocht go dtí 2011 bhí an Teachta Dála is óige d' Fhianna Fáil ina chathaoirleach air. Ó 2011 tá Ógra tar éis uachtarán na heagraíochta a thoghadh. Ba é Eamon Quinlan an chéad Uachtarán ar Ógra a toghadh ina dhiaidh sin, sa bhliain 2015 ina mhéara ar Chomhairle Phort Láirge.

Oifigeach Gaeilge agus Cultúrtha d’Ógra Fhianna Fáil

Tá Caoimhe NicGabhann ag feidhmiú mar Oifigeach Gaeilge agus Oifigeach Cultúrtha d’Ógra Fhianna Fáil. Ghlac sí páirt in Ógra don chéad uair sa bhliain 2017 agus anois is rúnaí do Chumann Caoimhín de Barra i gColáiste na hOllscoile, Baile Átha Cliath í.