Éiceolaíocht

Beach ag bailiú neachtair

Is éard atá san éiceolaíocht brainse den eolaíocht a dhéanann staidéar ar dháileadh agus ar líonmhaireacht na n-orgánach beo, agus an idirghníomhaíocht idir orgánaigh agus a dtimpeallacht is a gcomhshaol. Taispeánann an eolaíocht seo go bhfuil na neacha beo uile ag brath go mór ar a chéile. Mar shampla, tá na beacha is na plandaí spleách ar a chéile, de bhrí go bpailníonn na beacha na plandaí agus go gcothaíonn na plandaí na beacha.

Go minic, agus níos minice ná riamh b'fhéidir, cuireann gníomhaíochtaí daonna isteach go tubaisteach ar an gcomhshaol, agus bíonn an dochar seo tubaisteach do dhaoine ina dhiaidh sin. Uaidh sin, tá tábhacht as an gcoiteann ag baint leis an éiceolaíocht, féachaint an féidir tubaistí dá leithéid a sheachaint.

Glactar leis gurb é an cine daonna atá ceannasach ar éiceolaíocht an domhain, sa mhéid gur fearr an duine ná neart orgánach eile chun riachtanais an tsaoil a bhaint amach. Is mó an tionchar atá ag an duine ar an domhan ná mar atá aon orgánach eile.

Féach freisin

• Éiceamharú
• Éiceolaíocht tírdhreacha
• Pailé-éiceolaíocht