Winnipeg

Ón Vicipéid, an chiclipéid shaor.
Winnipeg
Winnipeg
Suíomh

49°53′ Thuaidh 97°8′ Thiar

Rialtas
Tír: Flag of Canada.svg Ceanada
Cúige: Manitoba
Méara: Sam Katz
Déimeagrafaic
Achar: 464 km²
Daonra: 663,617 (2011)
Dlús daonra: 1,430/km²
Airde: 238 m

Is í Winnipeg príomhchathair chúige Manitoba, i gCeanada, agus an seachtú ceantar cathrach is mó i gCeanada. Sa bhliain 2011, bhí 663,617[1] duine ina gcónaí sa chathair féin agus 730,018 ina gcónaí sa cheantar cathrach ar fad. Sin breis is leath de dhaonra an chúige. Is é Sam Katz an méara.

Tá Winnipeg suite beagnach i gceartlár cruinn Mheiriceá Thuaidh, san áit a dtagann na haibhneacha Red agus Assiniboine le chéile. Tá an talamh mín íseal agus úsáidtear canálacha leis na tuilte san Abhainn Red a laghdú.

Mar gheall ar na haibhneacha, suíomh thar a bheith oiriúnach d'iompair agus d'aistriú earraí a bhí ann agus mar sin chuir trádalaithe Francacha fúthu san áit sách fada siar, ag tosú sa bhliain 1738. Fort Rouge a tugadh ar a lonnaíocht úd. Thóg Béarlóirí Fort Garry san áit sa bhliain 1822. Rinneadh cathair de sa bhliain 1873 leis an ainm Winnipeg. Bhí 1,869 duine ann ag an am.

Inniu, tá Béarla ag 99% de na daoine ach tá Fraincis ag 11% díobh. Tá an Fhraincis ó dhúchas ag timpeall is 5%, an chuid is mó díobh ina gcónaí i gcomharsanacht St. Boniface, mar a bhfuil ospidéal agus scoil tríú leibhéil acu. Mar sin féin, níl an Fhraincis ach ag 30% de mhuintir St. Boniface agus úsáideann leath díobh Béarla sa bhaile anois chomh maith.

Bundúchasaigh iad 63,745 duine i Winnipeg (10.2% de dhaonra na cathrach). Tá an teanga Ojibway ag 0.6% den daonra agus Cree ag 0.5%.

Tagairtí[athraigh | edit source]

  1. [1] Statistics Canada

Naisc sheachtracha[athraigh | edit source]