Veronica Guerin

Ón Vicipéid, an chiclipéid shaor.
Dealbh Guerin.

B'iriseoir Éireannach í Veronica Guerin (5 Iúil, 1958 - 26 Meitheamh, 1996) a bhí maraithe ag mangairí drugaí Éireannacha sa bhliain 1996. Bhí Guerin ag scríobh faoi choirpigh éagsúla a bhí gníomhach i mBaile Átha Cliath don nuachtán Sunday Independent. Cé gur bhain sí úsáid as leasainmneacha ina cuid iriseoireachta, thosaigh sí ag fáil bagairtí mar gheall ar an obair a bhí á dhéanamh aici. Lámhachadh í don chéad uair agus í sa bhaile ar an 30 Eanáir, 1995.

Maraíodh Guerin an bhliain ina dhiaidh sin, agus í ina suí ina hOpel Calibra ag na soilse tráchta ar Mótarbhealach Nás na Rí, cúpla míle amuigh ón gcathair. Ba bheirt fhear a bhí ag taisteal ar ghluaisrothair a rinne an t-ionsaí, sular theith siad go tapaidh ón láthair. D'éag Guerin ar an toirt.

Bhuail an nuacht le freagairt fheargach ón phobal, a bhí ar buile leis an gcoir uafásach seo. "Ionsaí ar an nDaonlathas" a bhí ann, mar a dúirt Taoiseach an lae Seán de Briotún faoin eachtra.