Siondróm Bás Tobann Naíonán

Ón Vicipéid, an chiclipéid shaor.

Bás naíonáin gan choinne, nach féidir aon chúis leis a aimsiú trí scrúdú cliniciúil nó iarbháis é Siondróm Bás Tobann Naíonánbás cliabháin (SIDS i mBéarla). De réir cineáil, cuirtear an leanbh sláintiúil chun leapan mar is gnáth sa tráthnóna agus faightear marbh é i lár na hoíche nó ar maidin. Is féidir go mbeidh cúiseanna éagsúla leis, ach is meabhraitheach iad den chuid is mó. I measc na gcúiseanna seo, tá stopadh an análaithe (aipnia codlata) de thoradh eatramh fada riospráide neamhrialta, freagairt iomarcach néarógach ar shú ábhair ó chonair an díleá isteach sa bhfeadán riospráide, bac na n-aerbhealaí de thoradh dúnadh na struchtúr faoi bhun na farainge, so-ghontacht mhéadaithe do thocsainí na mbaictéir riospráide a bhíonn caoin de ghnáth, ábhair dhochracha i láthair sa tocht, nó suaitheadh an rialú teochta sa cholainn i dtimpeallacht fhuar nó leis an iomarca córacha leapa. Tá tarlú na tragóide seo laghdaithe ó dheireadh an 20ú céad, ó tosaíodh ag comhairliú do thuismitheoirí leanaí a chur a chodladh ar a ndroim nó a dtaobh, seachas ar a ngoile.