Santander

Ón Vicipéid, an chiclipéid shaor.
Bratach
Mapa

Tá an chathair Santander mar príomhchathair ar an gcomhphobal féin-rialaithe Cantabria. Tá sí súite ar an gcósta thuaidh den Spáinn idir Asturias ar a teorainn thiar agus an Tír Bascach ar a teorainn thoir. Bhí timpeall 184,000 ina gcónaí ann sa bhliain 2007.

Stair[athraigh | edit source]

Glaodh Portus Victoriae Iuliobrigensium ar an áit i ré Impireachta na Róimhe. Tagann an t-ainm Sandander ó Naomh Emeterio (Santemter, Santenter, Santander). Tógadh ceann an mairtírigh ansin sa 3ú haois de réir an bhéaloidis.

Sa bhliain 1187, cheap Rí Alfonso VIII an ab de San Emeterio mar thiarna ar an mbaile, agus sa bhliain 1248 ghlac Santander páirt sa chath ar son Sevilla agus fuair sí a armas dá bharr.

Ba phort tábhachtach de chuid na Caistíle é Santander níos déanaí sna Meánaoiseanna agus ba chathair thábhachtach í ó thaobh trádála le Meiriceá freisin. Tugadh aithne oifigiúil do Santander mar chathair sa bhliain 1755.

Sa bhliain 1893 phléasc an lastlong Cabo Machichaco sa chuan agus maraíodh 500 daoine.

Sa bhliain 1941 tharla tine mhór sa chathair. Lean an tine ar feadh dhá lá de bharr ghaoth láidir ó dheas. Cé nach básaíodh ach duine amháin (fear dóiteáin) bhí na mílte teaghlach fágtha gan dídean. Chomh maith le sin, scrios an tine ceantar stairiúil na cathrach, agus déanadh a lán dochair don ardeaglais Rómhánúil.

Faoi láthair[athraigh | edit source]

Tagann a lán turasóirí Spáinneacha go Santander chun saoire cois trá gach bliain. Tá ceanncheathrú Banco Santander, an bhanc is mó sa Spáinn, lonnaithe i Santander.

Tagairtí[athraigh | edit source]

Santander
Santander