Sande

Ón Vicipéid, an chiclipéid shaor.

Bardasacht i dtuaisceart na Gearmáine is ea Sande.

Achoimre[athraigh | edit source]

  • Daonra: 9,300in Sande (bruachbhailte san áireamh), 5,000 in Sande amháin[1].

Baile beag réasúnta ciúin agus taitneamhach is ea Sande atá suite i dtuaisceart na Gearmáine, sa tSacsain Íochtarach (Niedersachsen as Gearmáinis). Freaslainn (Friesland as Gearmáinis) a thugtar ar an cheantar ina bhfuil sí. Is gearr den Mhuir Thuaidh í, agus tá tionchar mór ag an bhfarraige ar an mbaile seo.

Turasóirí i Sande[athraigh | edit source]

Is fiú é do thurasóirí cuairt a thabhairt do Sande. Tá dhá óstán ann, Hotel Auerhahn [2] i lár an bhaile agus Landhaus Tapken [3] ar an imeall. Tá árasáin féinfhreastail le fáil freisin, chomh maith le leaba & bricfeasta.

In Sande, tá go leor nádúr le feiceáil - baineann cuairteoirí taitneamh as siúlóidí tríd an sráidbhaile, ar na bealaí beaga a leanann an chanáil, agus timpeall an locha bhig ar thaobh amháin an sráidbhaile.

Tá cúpla músaem ann freisin, ceann faoi stáir chois fharraige[4] agus ceann faoin mbruachbhaile is stairiúla, Neustadtgödens (Baile Nua Gödens).[5]

Is féidir turais sa char a dhéanamh chuig na bailte beaga iascaireachta cois fharraige. Tá na hoileáin Fhreaslannacha le feiceáil ann freisin, le tránna le gaineamh chomh mín le plúr.

Ní féidir réigiún níos fearr a shamhlú chun rothaíocht a dhéanamh. Tá rothair le fáil ar cíos ann, agus tá bealaigh deasa sábháilte don rothaíocht ann. Níl sléibhte nó cnoic ann, agus mar sin, tá sé éasca na mílte a chlúdach ar rothar.

Íomhánna[athraigh | edit source]

Tagairtí[athraigh | edit source]