Roy Keane

Roy Keane
Eolas pearsanta
Dáta breithe	10 Lúnasa, 1971
Áit breithe	Corcaigh, Éire
Leasainm	Keano
Foirne mar imreoir
1989–1990 1990–1993 1993–2005 2005–2006 1991–2005	Cobh Ramblers Nottingham Forest Manchester United Celtic Poblacht na hÉireann
Foirne mar thraenálaí
2006–2008 2009–2011	Sunderland Ipswich Town

Is iar-imreoir agus traenálaí sacair é Roy Maurice Keane (Gaeilge: Roy Muirís Ó Catháin), a rugadh ar an 10 Lúnasa 1971 i gCorcaigh, Poblacht na hÉireann. D'imir sé le Manchester United ón bhliain 1993 go dtí 2005 sa Premier League, agus d'imir sé freisin le foireann náisiúnta Phoblacht na hÉireann. Chríochnaigh sé le bliain amháin ag imirt le Ceiltigh Ghlaschú in Albain. Chaith 'The Red Devils' £3.75m ar Roy, an méid is mó riamh ag an am. Bhí achrann idir é féin agus a thraenálaí i Manchester United, Alex Ferguson, tar éis agallamh teilifíse a thug Keane do stáisiún an chlub, nár cuireadh amach riamh, agus d'fhág sé an club chun dul ag imirt le Celtic, an club a thacaigh sé mar bhuachaill óg. D'éirigh sé as imirt ar an 12 Meitheamh 2006.

Bhí Keane ina thraenálaí ar an bhfoireann Sunderland A.F.C. idir 2006 agus 2008, agus Ipswich Town F.C. idir 2009 agus 2011.

Corn an Domhain 2002

D'imir Roy i gCorn an Domhain 1994 agus bhí sé san fhoireann Éireannach arís i gcomhair Chorn an Domhain 2002. Ba é Keane captaen na foirne, ach tharla achrann cáiliúil idir é féin agus an traenálaí Mick McCarthy i Saipan, agus níor ghlac Roy aon pháirt sa chomórtas. Tá an dráma I, Keano bunaithe ar an méid a tharla i Saipan.

Gairméim bhainisteoireachta

Tar éis dó éirí as an cluiche mar imreoir, thóg sé a chéad phost mar thraenálaí le Sunderland. Nuair a tháinig sé isteach i mbun oibre, bhí an fhoireann ag bun an Championship, le Niall Quinn ina thraenálaí sealadach orthu. Chuir Keane muinín agus neart isteach san fhoireann arís, agus chríochnaigh siad ar barr na sraithe, éacht a tháinig aniar aduaidh ar chách. An chéad sprioc a bhí aige don chéad bhliain eile ná an fhoireann a choimeád slán sa Premier League, agus rinne siad amhlaidh sa tséasúr 2007-2008. D'éirigh Keane as an bpost, áfach, ar an 4 Nollaig 2008, tar éis drochthoradh sa bhaile in aghaidh Bolton Wanderers. Tháinig na sonraí chun solais níos déanaí gur fhág sé de bharr easaontas idir eisean agus úinéirí an chlub.

D'fhan Keane amach as an spotsolas sna míonna ina dhiaidh sin, ach thosaigh na ráflaí ag fás arís nuair a briseadh traenálaí Ipswich Jim Magilton as a phost ar an 22 Aibreán 2009. Cuireadh substaint leis an gcaint seo ar an 24 Aibreán nuair a d'fhógair an club go h-oifigiúil go raibh Keane ceaptha acu, ar chonradh dhá bhliain. Briseadh as a phost é sa bhliain 2011.

Clubanna

Leabhar beathaisnéise le Roy Keane agus Eamonn Dunphy

Mar imreoir

• 1989-1990 : Cobh Ramblers
• 1990-1993 : Nottingham Forest
• 1993-2005 : Manchester United
• 2005-2006 : Glasgow Celtic

Mar thraenálaí

• 2006-2008 : Sunderland
• 2009-2011 : Ipswich Town

Staitisticí

Clubanna

• Cobh Ramblers: 12 cluiche 1 chúl amháin
• Nottingham Forest: 123 cluiche 22 cúl
• Manchester United: 444 cluiche 55 cúl
• Glasgow Celtic: 10 gcluiche 1 chúl amháin
• Iomlán: 589 cluiche 79 cúl

Idirnáisiúnta

• Poblacht na hÉireann: 66 caipín agus 9 gcúl

Naisc sheachtracha

• Grianghraif ar BBC Online
• Próifíl Roy Keane i mBéarla
• Fágann Roy Keane Manchester United
• I Keano sa Ríocht Aontaithe
• Sunderland AFC