Ronald D. Laing

Ón Vicipéid, an chiclipéid shaor.
R.D. Laing

Bhí Ronald D. Laing (Nó R.D. Laing) (rugadh 7 Deireadh Fómhair 1927 agus d'éag 23 Lúnasa 1989) ina shíciatraí clúiteach sa Bhreatain. Rugadh i nGlaschú é.

A Shaol[athraigh | edit source]

Tar éis dintiúir i leigheas agus síciatracht a bhaint amach d'oibrigh Laing san arm agus i ndiaidh sin in Ollscoil Ghlaschú go dtí gur fostaíodh é mar shíciatraí sa Tavistock Clinic i Londain.

Ceann de na rudaí ab aistí agus ba cheannródaí dá ndearnadh sé ná go ndeachaigh sé ag cónaí le hothair a bhí buailte le scitsifréine ar feadh tréimhse sách fada i dteach i Londain sa bhliain 1965. Rinneadh scannáin faoin eachtra seo sa bhliain 1972 ar a dtugtar Asylum (Tearmainn).

Sa bhliain chéanna, 1965, bhunaigh sé an Philadelphia Association leis an sprioc chun comhar leighis a chuir ar ghealtaigh i dtithe sábháilte sa chaoi nach mbeadh gá le cúraim dóibh in ospidéil síciatracha.

Fuair sé bás go tobann agus é ag imirt leadóige i St. Tropez san Fhrainc sa bhliain 1989.

A Chuid Oibre[athraigh | edit source]

Bhain an chuid ba chlúití dá chuid oibre le tréan iarracht an mhistéir a bhaineas le na tinneas inchinne troma a dhíbirt. Bhí sé den tuairim go raibh na tinnis seo intuigthe i gcomhthéacs saoil, chaidreamh teaghlaigh agus na sochaí ina raibh an t-othar suite. Scríobh sé roinnt mhaith leabhar ar an ábhar seo - ina measc, The Divided Self, 1960 (An Duine Féin Roinnte) agus The Politics of Experience, 1967. (Polaitíocht na Taithí).