Réabhlóid Bolivarach

Ón Vicipéid, an chiclipéid shaor.

Gluaiseacht shóisialta agus próiseas polaitiúil Veiniséalach is ea í an Réabhlóid Bolivarach, nó Revolución Bolivariana i Spáinnis. Is é Simón Bolívar, ceannaire sa troid ar son neamhspláchais Mheiriceá Laidinigh ón Spáinn, mar inspioráid don Réabhlóid Bolivarach seo cé go gcuirtear craiceann sóisialach ar a chuid smaointe. Is é cuspóir na Réabhlóide Bolivaraí réimeas sóisialach a chur ar siúl i Veiniséala agus i dtíortha eile i Meiriceá Laidineach. Cuireadh tús leis an tionscadal polaitiúil seo sa bhliain 1998 nuair a tháinig Hugo Chávez chun cumhachta mar uachtarán ar an tír úd.