Pedro Calderón de la Barca

Ón Vicipéid, an chiclipéid shaor.
Calderón de la Barca

Drámadóir Spáinneach ab ea Pedro Calderón de la Barca y Henao. Rugadh é ar an 17 Eanáir, 1600 agus mhair sé ar feadh 81 bliana go bhfuair bás ar an 25 Bealtaine, 1681. Rugadh agus tógadh é sa phríomhchathair Maidrid, ba de shliocht Pléimeannach a mháthair agus bhí a athair ina rúnaí sa státchiste.

Ghnóthaigh sé comórtais filíochta agus é ina fhear óg agus cuireadh a chéad dráma "Amor, Honor y poder" i mí an Mheithimh 1623. Scríobh sé níos mó ná 70 dráma san iomlán agus tá sé ráite go raibh sé i seirbhís in arm na Spáinne san Iodáil agus i bhFlóndras idir 1625 agus 1635, ach deir foinsí eile gur chaith sé an t-am sin uilig i Maidrid. Faoin am go raibh sé sna tríochadaí aithníodh Calderón mar phíomhdhramadóir na Spáinne.

Chaith sé cúpla bliain san arm 1640-1642 agus bronnadh pinsean speisialta míleata air mar gheall ar a ghaisce mar shaighdiúir. Tamall de bhlianta ina dhiaidh sin chuaigh Calderón isteach in Ord Naomh Proinsiais agus rinneadh sagart de sa bhliain 1651. As sin amach d'éirigh sé as drámaí a scríobh don amharclann agus dhírigh sé ar shaothair a bhain le miotaseolaíocht agus le creideamh.

Thuil Calderón a cháil mar dhrámadóir mar gheall ar fheabhas a chuid filíochta, a struchtúr drámatúil agus doimhneacht a chuid fealsúnachta.