Paul Jozef Crutzen

Ón Vicipéid, an chiclipéid shaor.

Ceimicí a rugadh in Amstardam is ea Paul Jozef Crutzen (1933-). Rinne sé taighde ar fhótaiceimic an ózóin san atmaisféar, agus léirigh i 1970 go raibh ról ag CFCanna (clórafluaracarbóin) in ídiú an ózóin sa chiseal ózóin. Chruthaigh sé go bhfeidhmíonn siad mar chatalaígh is nach n-ídeofaí iad sna himoibrithe dochracha in aon chor. Mar sin, féadfaidh oiread beag de CFC dochar as cuimse a dhéanamh don chiseal ózóin. Bhí an obair seo ina siocair leis an gcinneadh stop a chur le húsáid na CFCanna i gcuisneoirí is trealamh eile de réir a chéile. Roinn sé Duais Nobel sa cheimic i 1995 le Mario Molina is Sherwood Rowland.