Naomh Muinice

Naomh Aibhistín agus Naomh Muinice, le Ary Scheffer (1846)

Ba Beirbeireach í Naomh Muinice a chaith an chuid ba mhó dá saol san Afraic Thuaidh. Cé gur Críostaí a bhí inti, bhí sí pósta le fear págánach níos sine ná í dárbh ainm Patricius (Pádraig i nGaeilge, ar ndóigh). Bhí triúir chlainne orthu, ach ba é Naomh Aibhistín an duine ba chláiliúla dóíbh.

Ba chúis imní do Mhuinice an saol a bhí á chaitheamh ag a mac. Uair amháin, chuaigh sí chuig easpag chun sólás a fháil. Nuair a chonaic sé í ag caoineadh uair amháin, dúirt sé léi nárbh fhéidir le mac neamairt a dhéanamh de dheoraí a mháthar. Thiontaigh Aibhistín ina Chríostaí nuair a bhí sé níos sine agus fuair Naomh Muinice bás sa Róimh go gearr ina dhiaidh sin sa bhliain 387. Tá a lá féile ar 4 Bealtaine de réir an fhéilire traidisiúnta ach ar 27 Lúnasa ar nua-fhéilire na hEaglaise.