Melbourne

Melbourne
37°48′ Theas 144°57′ Thoir
Rialtas
Tír:	An Astráil
Stát:	Victoria
Ard-Mhéara:	Robert Doyle
Déimeagrafaic
Achar:	2,153 km²
Daonra:	3,371,888 (2006)
Dlús daonra:	1,566/km²/km²
Crios ama:	AEST
www.melbourne.vic.gov.au

Príomhchathair stáit agus an chathair is mó i Victoria is ea Melbourne. Is é an dara cathair is mó san Astráil tar éis Sydney. Tá timpeall is 3.9 milliún duine ina gcónaí in achar cathrach Melbourne agus 69,670 ina gcónaí i gcathair Melbourne féin.

Stair

B'é Melbourne príomhchathair na hAstráile ó 1901 go dtí 1927. Cúpla bliain ó shin, mar shampla, bhí Melbourne ar an gcathair is fearr ar domhan le maireachtáil inti, de réir suirbhé idirnáisiúnta. Baintear úsáid as slata éagsúla tomhais chun breithiúnas a thabhairt ar chathair. Tá córas iompair phoiblí i measc na nithe sin, agus tá ról lárnach ag na tramanna sa chóras rathúil iompair in Melbourne.

Tráth den saol, bhíodh córas tram ag cathracha móra eile sa tír, ach cuireadh deireadh leo. Tá an t­-ádh dearg ar mhuintir Melbourne gur chloígh a sinsear leis an modh éifeachteach taistil seo.

Is cathair ilchultúrtha é Melbourne, a bhfuil daoine as 41 tír dhifriúil ina gcónaí ann. Tá tionchar faoi leith acu siúd ar de bhunadh Gréagach iad ar an gcathair. Tar éis an Dara Cogadh Domhanda, tháinig na céadta míle inimirceach ón nGréig chun na hAstráile agus chuir beagnach caoga faoin gcéad acu fúthu in Melbourne.

Sa lá atá inniu ann, tá níos mó cainteoirí Gréigise in Melbourne ná aon chathair eile ar domhan, taobh amuigh den Aithin í féin agus Thessalonica. Mar gheall air sin, tugadh Cathair Aithne an Deiscirt uirthi roinnt blianta ó shin. Is breá le muintir Melbourne cultúr an chaife agus is dócha gur thug muintir na Gréige, agus daoine as tíortha eile na Meánmhara, an stíl seo mhaireachtála leo go Melbourne.

Spórt

Tá díospóireacht ar siúl le blianta anuas mar gheall ar bhunús na peile Astrálaí, (Peil Astrálach) ach níl aon amhras ach gur in Victoria a imríodh an chéad chluiche riamh, agus ba in Melbourne a leagadh síos na rialacha den chéad uair. Bunaíodh an chéad chomórtas peile Astrálaí in Melbourne go déanach sa 19ú haois, agus ar feadh thart ar chéad bliain ina dhiaidh sin, bhí an comórtas peile Astrálaí is fearr sa tír ar siúl sa chathair.

Aeráid

Melbourne – Aeráid
Mí	Eanáir	Feabhra	Márta	Aibreán	Bealtaine	Meitheamh	Iúil	Lúnasa	Meán Fómhair	Deireadh Fómhair	Samhain	Nollaig	Bliain
Teocht is airde (°C)	45.6	46.4	41.7	34.9	28.7	22.4	23.1	26.5	31.4	36.9	40.9	43.7	46.4
Meán-uasteocht an lae (°C)	25.9	25.8	23.9	20.3	16.7	14.0	13.4	14.9	17.2	19.6	21.9	24.2	19.8
Meán-íosteocht na h-oíche(°C)	14.3	14.6	13.2	10.7	8.6	6.9	6.0	6.7	7.9	9.5	11.1	12.9	10.2
Teocht is ísle (°C)	5.5	4.5	2.8	1.5	−1.1	−2.2	−2.8	−2.1	−0.5	0.1	2.5	4.4	−2.8
Meán-bháisteach (mm)	47.6	47.3	50.2	57.3	56.2	49.2	47.7	50.2	57.9	66.2	59.5	59.2	648.5
Foinse: Bureau of Meteorology Eanáir 2011

Nasc-Bhailte

• Osaka, An tSeapáin, 1978
• Tianjin, An tSín, 1980
• Thessaloniki, An Ghréig, 1984
• Boston, Stáit Aontaithe Mheiriceá, 1985
• Cathair Pheadair, An Rúis, 1989
• Milan, An Iodáil, 2004

Tagairtí

Is síol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.