Meitreo Santo Domingo

Ón Vicipéid, an chiclipéid shaor.
Meitreo Santo Domingo
Eolas
Láthair Santo Domingo
Cineál Idirthuras tapa (fobhealach)
Líne 1
Stáisiúin 16
Uimhir paisinéirí 60,000/lae
Oibriú
Oscailte 30 Eanáir 2009
Oibreoir OPRET
Fostaithe
Teicniúil
Fad 14.5 km

Is córas luathiompair poiblí é Meitreo Santo Domingo sa Phoblacht Doiminiceach. Osclaíodh an chéad líne go luath sa bhliain 2009 agus tá sé i gceist 5 líne eile a chur leis chun córas cuimsitheach iompar poiblí a sholáthar don chathair seo ina bhfuil timpeall trí mhilliún duine. Tá an tionscadal seo ar cheann de na tionscadail is mó de chuid an uachtaráin Lionel Fernandez, polaiteoir atá an-tugtha do phoiblíocht agus do scéimeanna móra poiblí. Cuireadh ina leith go raibh airgead na tíre á chur amú aige ar scéimeanna costasacha nuair atá gá níos mó le hinfheistíocht sa chóras oideachais, leictreachais agus sláinte.

Is Alstom a chuir na traenacha ar fáil agus tógadh iad ina chuid monarchana sa Bheilg, sa Fhrainc agus sa Spáinn ar chostas 92.5 milliún Euro. Is féidir le gach traen timpeall 600 paisinéir a iompar agus táthar ag súil go mbainfidh 200,000 duine úsáid as an chéad líne, ach ní léir go fóill go bhfuil an t-éileamh sin ann.