Mazurek Dąbrowskiego

Ón Vicipéid, an chiclipéid shaor.

Is é Mazurek Dąbrowskiego (is mar "Dombrowski" a fhuaimnítear an sloinne sin Dąbrowski, ó sheasann an litir Pholainnise úd ą do [o] le srónaíl), nó Masúrca Dąbrowski, amhrán náisiúnta na Polainne. Is é an chéad teideal a bhí ar an amhrán ná Pieśń Legionów Polskich we Włoszech nó Amhrán na Léigiún Polannach san Iodáil. Chum Józef Wybicki an téacs i gcathair Reggio sa bhliain 1797, agus chualathas an t-amhrán á chanadh sa Pholainn le linn cheannaircí móra na naoú haoise déag, is é sin, Éirí Amach Mhí na Samhna (1830) agus Éirí Amach Mhi Eanáir (1863). Sa naoú haois déag, bhí na gluaiseachtaí daonlathacha ag maíomh dlúthpháirtíochta leis na Polannaigh, agus dá réir sin, haistríodh an t-amhrán go sraith mhaith teangacha. Is féidir é a chanadh as Gearmáinis, mar shampla, faoin teideal Noch ist Polen nicht verloren ("Níl an Pholainn caillte go fóill").

Fuair an file Slovacach Samuel Tomašik inspioráid ón amhrán seo le Hej, Slované ("Hóra, a Shlavacha") a chumadh - amhrán atá ceaptha mar chomhamhrán náisiúnta do na Slavaigh go léir.

Maidir le Mazurek Dąbrowskiego, glacadh leis mar amhrán náisiúnta agus stáit na Polainne sa bhliain 1827. An leagan thíos a úsáidtear go hoifigiúil, tá sé beagáinín difriúil le leagan Wybicki, a bheadh sách deacair le tuiscint ag Polannach an lae inniu, toisc chomh seanfhaisiúnta agus atá an stíl is an teanga.

Liricí[athraigh | edit source]

   Jeszcze Polska nie zginęła,
   Kiedy my żyjemy.
   Co nam obca przemoc wzięła,
   Szablą odbierzemy.
   ("Níl an Pholainn caillte go fóill,
    Ó mhairimidne beo.
    An rud a sciobadh uainn le lámh láidir iasachta,
    Glacfaidh muid ar ais é le claíomh.")
   curfá:
   Marsz, marsz, Dąbrowski,
   Z ziemi włoskiej do Polski,
   Za twoim przewodem
   Złączym się z narodem.
   curfá:
   ("Chun tosaigh, a Dąbrowski,
    ó thír na hIodáile go dtí an Pholainn.
    Agus tú i gceannas orainn,
    Tiocfaidh muid agus ár muintir le chéile arís.")
   Przejdziem Wisłę, przejdziem Wartę,
   Będziem Polakami,
   Dał nam przykład Bonaparte,
   Jak zwyciężać mamy.
  ("Trasnóidh muid Abhainn Wisła agus Abhainn Warta,
   Beidh muid inár bPolannaigh arís, 
   Nó thaispeáin Bonaparte dúinn
   An dóigh cheart le bua a bhreith.")
   curfá:
   Marsz, marsz, Dąbrowski...
   curfá:
    
   Jak Czarniecki do Poznania
   Po szwedzkim zaborze,
   Dla ojczyzny ratowania
   Wrócim się przez morze.
  ("Mar a tháinig Czarniecki go Poznań
   I ndiaidh ghabháltas na Sualannach,
   Le tarrtháil a thabhairt do Thír ár nDúchais
   Fillfidh muid, thar farraige.")
   curfá:
   Marsz, marsz, Dąbrowski...
   curfá:
    
   Już tam ojciec do swej Basi
   Mówi zapłakany:
   "Słuchaj jeno, pono nasi
   Biją w tarabany."
  ("Seo a hathair ag labhairt le Basia,
    Agus deora lena shúile:
    Éist, a iníon! Seo ár gcuid fear-ne
    Ag baint cheoil as na drumaí.")
   curfá:
   Marsz, marsz, Dąbrowski...
   curfá:
    

Ceol[athraigh | edit source]

Nasc[athraigh | edit source]

HYMN PAŃSTWOWY RZECZYPOSPOLITEJ POLSKIEJ - Eolas faoi stair an amhráin as Polainnis ar leathanaigh Roinn Oideachais na Polainne, chomh maith le nótaí an amhráin le híoslódáil. Tá cóirithe éagsúla ar fáil anseo (féach "Pliki do pobrania", a chiallaíonn "Comhaid le haghaidh íoslódála"): pianó, cór agus ceolchoirm.