Mainistir Bheigthí

Ón Vicipéid, an chiclipéid shaor.
Fothracha Mhainistir Bheigthí

Fothracha mainistreach Cistéirsí cois Bóinne i gContae na Mí is ea Mainistir Bheigthí (Bective Abbey as Béarla). Bhunaigh Murchad Ua Maeil Sheachlainn, Rí na Mí, í sa bhliain 1150 mar fho-mhainistir den Mhainistir Mhór, agus tiomnaíodh í don Mhaighdean Bheannaithe.[1] Bhíodh suíochán ag ab na mainistreach seo i bParlaimint na Páile sna meánaoiseanna, agus é ina údarás saolta agus spioradálta araon. Bhí sí ar na chéad mhainistreacha in Éirinn a cuireadh faoi chois le linn Dhíscaoileadh na Mainistreacha sna blianta 1535/36, ó ba rud é go raibh sí chomh gar sin d'ionad cumhachta na nGall i mBaile Átha Cliath.

In ainneoin nach bhfuil ach fothracha ann anois, tá dea-chaoi orthu i gcomparáid le go leor dá leithéid ón ré chéanna. Is séadchomhartha náisiúnta í agus tá í ar oscailt don phobal.

Ábhair Shainspéise[athraigh | edit source]

Rinneadh cuid de radhairc an scánnáin Braveheart, le Mel Gibson, a scannánú i Mainistir Bheigthí sna 1990idí.

Tagairtí[athraigh | edit source]

  1. Boylan, Henry, A Valley of Kings: The Boyne, (Baile Átha Cliath 1988), lth. 29

Leabhair Thagartha[athraigh | edit source]

  • Boylan, Henry, A Valley of Kings: The Boyne, (Baile Átha Cliath 1988)