Mainchín

Ón Vicipéid, an chiclipéid shaor.

Is é Mainchín (Saint Munchin as Béarla) éarlamh cathrach agus deoise Luimnigh. Ciallaíonn a ainm manach nó sagart beag.

Níl mórán eolais fágtha anois faoina shaol ach ceaptar gur rugadh gar don chathair ag deireadh an 6ú aois é agus gur fuair sé bás sa 7ú aois. Deirtear gurbh eisean an chéad easpag Luimnigh agus gur bhunaigh sé mainistir san áit ar a ghlaoitear anois Sparr Thumhan ach, tar éis argóint le taoiseach na h-áite, bhí air bogadh amach as an gcathair.

Nuair a d’imigh sé 6km siar ó dheas go Mungairit chun mhainistir eile a bhunú, chuir sé mallacht ar an gcathair ionas ná éireodh go deo le na h-áitreabhaigh ach go mbeadh an rath ag an stróinséar amháin.

Tá iarsmaí mhainistir meánaoiseach fós le feiscint i Mungairit thart ar an sean-reilig. Tá paróiste Mainchín Naofa suite ar bhruach thuaidh cathair Luimnigh agus deirtear go bhfuil Séipéal Caitliceach Mhainchín suite ar shuíomh sean-mhainistir Mhainchín i Sparr Thumhan in aice le Carraig an Chonartha agus Droichid Thumhan. Is é Coláiste Mhainchín i gCorrbhaile meánscoil deoise Luimnigh.

Ceiliúrtar lá fhéile Mhainchín ar an 2ú Eanáir.