Lucas Cranach

Ón Vicipéid, an chiclipéid shaor.

Péintéir a rugadh i gKronach (ar ainmníodh as é) gar do Bamberg na Gearmáine ab ea Lucas Cranach (1472-1553). Baint dhlúth aige le lucht an Reifirméisin, agus phéinteáil sé cuid acu, Liútar ina measc. Tá a shárshaothar Christus am Kreuz (Críost ar an gCrois, 1503) sa Stadtkirche i Weimar. Ba phéintéirí a thriúr mac freisin, agus bhí saothar an dara mac, Lucas Óg Cranach (1515-1586), chomh cosúil le saothar a athar gur deacair iad a idirdhealú.