Lios Póil

Ón Vicipéid, an chiclipéid shaor.
Lios Póil
Léarscáil
RedDot.png
Ireland map County Kerry Magnified.png
Daonra ( )
Airde: 52 m
Contae: Contae Chiarraí
Cúige: An Mhumhain

Baile beag i gContae Chiarraí na hÉireann is ea Lios Póil. Tá sé suite in aice le Bealach Náisiúnta Tánaisteach an N86 thart ar ocht gciliméadair soir ón Daingean ar thaobh Chill Airne agus 40 km ó Thrá Lí ar leithinis Chorca Dhuibhne. Cuid de Ghaeltacht Chontae Chiarraí atá ann.

Daonra[athraigh | edit source]

Cuid de Thoghcheantar na Míne Airde atá ann. Tá daonra na Míne Airde tar éis éagsúlú go mion ó dhaonra de 390 de réir an daonáirimh sa bhliain 1996, 383 sa bhliain 2002 go 389 sa bhliain 2006.

An Ghaelainn[athraigh | edit source]

Tá Lios Póil suite i nGaeltacht Chorca Dhuibhne. I ndaonáireamh na bliana 2006 dúirt 83.5% de mhuintir Na Míne Airde go raibh Gaelainn acu.

Daoine clúiteacha[athraigh | edit source]

Tarbhealach Leasa Póil

Feidhmeanna[athraigh | edit source]

Braitheann eacnamaíocht Lios Póil go mór ar an gceantar máguaird toisc go bhfuil deiseanna fostaíochta sa sráidbhaile féin teoranta go maith. Tuath oscailte is ea an tírdhreach mórthimpeall a úsáidtear le haghaidh talmhaíochta den chuid is mó, foinse fostaíochta traidisiúnta atá fíorthábhachtach. Foinse fostaíochta eile is ea an cairéal atá cóngarach do Lios Póil. Tá formhór an daonra fostaithe in earnáil na seirbhísí, mar shampla an tionscal turasóireachta. Taistealaíonn go leor daoine ón gceantar go dtí lárionaid eile le haghaidh oibre, .i. Trá Lí nó An Daingean go háirithe.

Seirbhísí Pobal[athraigh | edit source]

Tá réimse bunúsach de sheirbhísí ar fáil sa sráidbhaile agus ina chóngaracht. Mar shampla, tá oifig an phoist, Scoil Náisiúnta Naomh Eoin Baiste, Séipéal Naomh Eoin Baiste, Siopa Uí Chatháin, Halla Poiblí, Tigh Tábhairne Uí Shúilleabháin, gort peile agus forbairtí tithe saoire suite i lios Póil. Téann go leor daoine go dtí An Daingean i gcomhair a lán seirbhísí eile mar níl siad le fáil in Abha Na Scáil ach an oiread.

Iompar[athraigh | edit source]

  • Téann na busanna idir Trá Lí agus an Daingean trí Lios Póil freisin.
  • Osclaíodh an stáisiún traenach ar an 1 Aibreán 1891 agus dúnadh ar an 1 Iúil 1953 é. Bhíodh cuid d'Iarnród Caol an Daingin i Lios Póil agus tá tarbhealach le feiceáil fós.

Féile Lios Póil[athraigh | edit source]

Bíonn an fhéile seo ar siúl i mí Lúnasa. Bíonn rud éigin ar siúl do gach aoisghrúpa le linn na féile, mar shampla rince Gaelach, ealaíon, tráth na gceist, ceirdeanna, tóraíocht taisce le cairt, caid, tarrac téide, lúthchleasaíocht agus siúlóid sléibhe.[1]

Tagairtí[athraigh | edit source]