Lionel d'Anvers

Ón Vicipéid, an chiclipéid shaor.
Rítheaghlach na Plantagenet Armas Lionel d'Anvers

Ba é Lionel d'Anvers, Diúc Chlarence (29 Samhain, 13387 Deireadh Fómhair, 1368) an tríú mac (ach an dara duine acu a mhair slán) ag Éadbhard III, Rí Shasana agus Philippa de Hainault. Rugadh in Antuairp é agus bhí Líonel agus Elizabeth de Burgh, 4ú Chuntaois Uladh (d. 1363) luaite le chéile agus í fós ina leanbh.

Ba é William Donn de Burgh, 3ú Iarla Uladh (d. 1332) athair Elaizabeth agus bhí sí ina bhanoidhre ar a eastát. Phósadh iad sa bhliain 1352, ach roimhe seo ghlac sé seilbh ar a heastát ollmhóra in Éirinn. Glaodh 'Iarla Uladh' air ó 1347 ar aghaidh.

Tar éis dó a bheith ainmnithe mar ionadaí a athair i Sasana sa bhliain 1346, bhí Lionel comhcheangailte leis an sluaíocht chun na Fraince sa bhliain 1355, ach choimeád sé a phríomh-acmhainn fuinnimh dá chúrsaí in Éirinn. Ceaptha ina ghobharnóir sa tír, tháinig sé i dtír i mBaile Átha Cliath sa bhliain 1361, agus i mí na Samhna 1362 ceapadh é mar 'Diúc Chlarence', nuair a athair i mbun iarrachtaí gan toradh coróin na hAlban a aimsiú dó. Bhí iarracht Lionel Stát Gall-Ghaelach a neartú is a athbhunú measartha rathúil; tar éis parlaimint a eagrú i Chill Chainnigh, a rith Reachtanna Chill Chainnigh i 1367, thréig sé an fiontar agus d'fhill sé ar ais go Sasana.

D'éag banchéile Lionel i mBaile Átha Cliath i 1363, agus d'fhág sí iníon ina diaidh, Philippa, agus níos faide ar aghaidh is iad dírshliochtaigh Philippa a dhéanadh éileamh faoi chearta ar ríchataoir Theach Eabhrach (Béarla: House of York).

Socraíodh an dara phósadh do Lionel le Violante (c. 1353 - Samhain 1386), iníon tiarna Pavia, Galeazzo Visconti (d. 1378); agus phósadh le chéile iad i Milano an 28 Bealtaine 1368. Go gairid ina dhiaidh sin fuair Lionel bás in Alba (na hIodáile). Bhí tuairimíocht láidir ann, cé nach raibh fianaise léi, gur de réir nimhe a tharla sé agus go raibh athair a chéile Galeazzo páirteach san ghníomh.