Liam Ó Cuinneagáin

Ón Vicipéid, an chiclipéid shaor.

Is é Liam Ó Cuinneagáin stiúrthóir an chomhlachta Oideas Gael i nGleann Cholm Cille, Contae Dhún na nGall, Éire, agus foilsitheoir Beo!, iris mhíosúil Idirlín. Is iar-Chathaoirleach é ar Údarás na Gaeltachta chomh maith.

Rugadh Liam i nGleann Cholm Cille agus bhain sé cáilíocht amach mar mhúinteoir i gColáiste Phádraig, Droim Conrach. Chaith sé blianta ag múineadh i mbunscoil i lár Bhaile Átha Cliath ach d'fhill sé ar a cheantar dúchais i lár na nóchaidí le dul i mbun oibre go lánaimseartha mar stiúrthóir Oideas Gael. Reachtálann Oideas Gael cúrsaí Gaeilge agus iad ar siúl sa samhraidh den chuid is mó. Tá a lán cúrsaí agus gníomhaíochtaí eile ar fáil ann: siúl sléibhe, potadóireacht Cheilteach, cúrsaí timpeallachta agus cultúir, péintéireacht mhara, seinm na fliúite, na feadóige stáin agus an bhodhráin, seandálaíocht agus damhsaí Dhún na nGall.

Bronnadh Gradam an Phiarsaigh ar Liam Ó Cuinneagáin ar 12 Aibreán 2011 i ngeall ar a raibh déanta aige ar son na Gaeilge. [1]

Tagairtí[athraigh | edit source]

  1. "Gradam Liam", The Irish Times, 13 Aibreán 2011

Naisc sheachtracha[athraigh | edit source]