Julie Fowlis

Ón Vicipéid, an chiclipéid shaor.
Julie Fowlis
Tír Albain
Gníomhach 2003 – anois
Seánra(í) ceoil Ceol Ceilteach
Ceol Traidisiúnta
Ceol Tíre
Lipéad/lipéid Machair Records (Lipéad féin)
Spit & Polish
Macmeanmna
Suíomh gréasáin Suíomh oifigiúil

Is amhránaí agus píobaire í Julie Fowlis (a rugadh sa bhliain 1976) as Uibhist a-Tuath, na hOileáin Siar, Albain.

Beathaisnéis[athraigh | edit source]

Rugadh agus tógadh Fowlis in Uibhist a-Tuath, oileán beag sna hOileáin Siar, i bpobal bheag Gaeltachta. Thosaigh sí ag canadh agus ag seinm (na píopaí agus an fheadóg mhór) agus í ina páiste óg. Ina theannta sin, bhíodh sí ag damhsa i halla an phobail.

Is ball í den ghrúpa Albanach-Éireannach, Dòchas, a bhuaigh an duais "Best Newcomer award" ag bronnadh gradaim na "Scots Trad Music Awards" sa bhliain 2004. Sa bhliain 2005, d'fhoilsigh Fowlis a céad albam aonair, "Mar a Tha Mo Chridhe". Rinne Iain MacDonald an albam a léiriú. I ndiaidh sheoladh an albaim seo, tháinig cáil domhanda ar Fowliis. B'é 2005 an bhliain ba ghnóthaí i saol Julie go dtí sin, óir d'fhoilsigh "Dòchas" albam úr sa bhliain sin fosta.

Tháinig "Cuilidh" amach sa bhliain 2007 agus bronnadh gradaim air ar fud an domhain. Sa bhliain 2008, rinne Fowlis ceirnín úr a thaifeadadh le Muireann Nic Amhlaoibh, Ross Martin agus Éamon Doorley. Tugadh "Dual" ar an cheirnín. Thaifead sí leagan Ghaeilge na hAlban de "Blackbird", amhrán de chuid The Beatles sa bhliain chéanna chomh maith.

Tá sí pósta le hÉamon Doorley, fidléir sa ghrúpa traidisiúnta Éireannach Danú. Tá iníon amháin acu darb ainm Éabha.

Diosceolaíocht[athraigh | edit source]

Albaim[athraigh | edit source]

Singil[athraigh | edit source]

  • Turas san Lochmor (2007 - ón albam Cuilidh)
  • Hùg Air A' Bhonaid Mhòir (2008 - ón albam Cuilidh)
  • Lon Dubh / Blackbird (2008 - Leagan clúdaigh den amhrán"Blackbird" le na Beatles i nGaeilge na hAlban)

Le Dòchas[athraigh | edit source]

  • Dòchas (2002)
  • An Darna Umhail (2005)

Mar Aoi-Cheoltóir[athraigh | edit source]

  • Evolving Tradition 3 - Ealaíontóirí éagsúla (2003)
  • Best in Show - Ealaíontóirí éagsúla (2003)
  • Ceòlmhor Ostaig - Ealaíontóirí éagsúla (2004)
  • Braighe Loch Iall - Rachel Walker (2004)
  • When All is Said and Done - Danú (2005)
  • Orain nan Rosach - Fiona Mackenzie (2006)
  • Fáinne An Lae : Daybreak - Muireann Nic Amhlaoibh (2006)
  • Òg-Mhadainn Shamhraidh - Kathleen MacInnes (2006)
  • Everything You See - Runrig (2007)
  • An Cailín Rua - Kathleen Boyle (2008)
  • Transatlantic Sessions 3 Vol. 1 (CD) - Ealaíontóirí éagsúla (2008)
  • Transatlantic Sessions 3 Vol. 2 (CD) - Ealaíontóirí éagsúla (2008)
  • Transatlantic Sessions 3 (DVD) - Ealaíontóirí éagsúla (2008)

Naisc sheachtracha[athraigh | edit source]

Tagairtí[athraigh | edit source]