Ilomantsi

Suíomh

Ceantar tuaithe, nó kunta, in Oirthear na Fionlainne é Ilomantsi. Is é an áit is faide thoir i mórthír an Aontais Eorpaigh (tá an Chipir agus oileán La Réunion níos faide thoir fós). Timpeall ar shé mhíle duine atá ina gcónaí ansin. Baill den Eaglais Ortadocsach iad 17.9 % de mhuintir Ilomantsi - an céatadán is airde ar fud na Fionlainne.

Labhraíonn seandaoine Cairéilis fós, agus chuaigh a lán focal Cairéilise in úsáid sa leathchaint áitiúil. Mar shampla, tugtar Pogosta ar bhaile mhór Ilomantsi. Bhronn an áit seo a hainm ar "ghalar Pogosta", galar matán a bhíonn á iompar ag na míoltóga, go háirithe nuair a bhíonn an samhradh ag druidim chun deiridh.

Sa gheimhreadh, i Mí na Márta de ghnáth, bíonn lucht na scíála ag glacadh páirte i dTuras Scíála Pogosta (Pogostan hiihto). Tógann an turas scíála deireadh seachtaine amháin. Is é lárionad lúthchleasaíochta Parppei áit thosaithe agus chríochnaithe an turais.

Ritheann Runon ja rajan tie ("Bóthar na Filíochta agus na Teorainne"), bealach turasóireachta Oirthear na Fionlainne, trí Ilomantsi.