Glen Hansard

Glen Hansard
Glen Hansard sa bhliain 2005
Rugadh	21 Aibreán, 1970
	Baile Átha Cliath
Náisiúntacht	Éireannach
Lipéad/lipéid	Plateau Records Overcoat Recordings Island Records
Gaolta le	The Frames, The Swell Season
Suíomh gréasáin	Suíomh Oifigiúil (theframes.ie)

Is é Glen Hansard (rugadh i mBaile Átha Cliath, 21 Aibreán 1970) an príomhamhránaí agus giotáraí leis an mbanna rac-ceoil Éireannach The Frames. Tháinig clú agus cáil air tar éis dó páirt a ghlacadh sa scannán Alain Parker The Commitments. Ghlac sé páirt an tseinnteora giotáir Outspan Foster. Bhí aiféala air gur ghlac sé leis an bpáirt seo i ndiaidh an scannáin mar thóg sí aird óna shlí bheatha mar cheoltóir, dar leis. Sa bhliain 2003 bhí sé mar láithreoir ar chlár RTÉ Other Voices: Songs from a Room, taispeántas den tallann ceoil neamhspleách atá le fáil in Éirinn. Sa bhliain 2006 seoladh dlúthdhiosca darbh ainm The Swell Season, ceirnín a rinne Hansard leis an gceoltóir Seiceach Markéta Irglová.

Sa bhliain 2007 tháinig an scannán Once amach le Hansard agus Irová mar phríomhcharactair ann. Ba é John Carney, iar-sheinnteoir doird-ghiotár le the Frames, a bhí mar stiúrthóir ar an scannán.

Naisc sheachtracha

• Suíomh Oifigiúil The Frames
• Myspace an 'Swell Season' (leathanach Beárla)

Glen Hansard, ag seinm i Vicar Street, Baile Átha Cliath, 31 Nollaig 2006

Is síol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.