Comhartha focalbhá

Ón Vicipéid, an chiclipéid shaor.
(Athsheolta ó Focalbhá)

Is éard is comhartha focalbhá ann (An tSean-Ghréigis: ἔλλειψις, élleipsis, "ar lár" nó "faoi bhun") ná sraith de phoncanna a léiríonn de ghnáth, gur fágadh focal, abairt, nó alt ar fad ó théacs ar lár, d'aon ghnó, gan a bhunbhrí a athrú. Ag brath ar a gcomhthéacs agus a n-áit san abairt, is féidir le comharthaí focalbhá smaoineamh neamhchríochnaithe, sos beag, agus ciúnas neirbhíseach nó ciotógach a chur in iúl. Tugtar apaisipéis ar úsáid an chomhartha focalbhá i gcomhair bhriste thobann i lár abairte, mar shampla: "Ach shíl mé go raibh sé …", Is féidir úsáid a bhaint as comhartha focalbhá, ag tús nó deireadh abairte, le haghaidh mothúcháin dhubhach nó tnúthánach a spreagadh.