Féile Woodstock

Ón Vicipéid, an chiclipéid shaor.
Woodstock, 1969 - na sluaite agus an stáitse.

Féile cheoil ab ea é Féile Woodstock (Woodstock de ghnáth, nó The Woodstock Festival) a bhí ar siúl amuigh faoin tuath ar fheirm Max Yasgur sa bhaile beag Bethel, Nua-Eabhrac ar feadh deireadh seachtaine amháin, 15 Lúnasa go dtí go moch ar maidin ar an 18 Lúnasa sa bhliain 1969. Sheinn dhá ghrúpa déag agus fiche ag an bhféile, os cionn lucht féachana de 500,000 duine. Meastar go bhfuil an fhéile ar cheann de na hócáidí ab fhearr riamh i gceol nua-aimseartha, agus thuill sé áit sa 50 Moments That Changed the History of Rock and Roll, foilsithe ag an iris Rolling Stone. I measc na ceoltóirí a ghlac páirt ná Arlo Guthrie, Joan Baez, Santana, Canned Heat, Grateful Dead, Creedence Clearwater Revival, Janis Joplin, The Who, Jefferson Airplane, Joe Cocker, The Band agus Crosby, Stills, Nash and Young. Críochnaíodh an deireadh seachtaine le taispeántas cáiliúil ó Jimi Hendrix, nuair a bhuail seisean an stáitse ag 4:00 maidin dé Luain.

Ócáid an-mhór a bhí ann i gcultúr na hipíthe, gluaiseacht a bhí ag sroicheadh a bhuaic ag deireadh na seascaidí.