Eugenio Montale

Ón Vicipéid, an chiclipéid shaor.
Eugenio Montale

File agus údar de chuid na hIodáile ba ea Eugenio Montale (rugadh 12 Deireadh Fómhair 1896 in Genova agus d'éag 12 Meán Fómhair 1981 in Milano). Bhain sé Duais Nobel don litríocht sa bhliain 1975.

Saol agus Saothar[athraigh | edit source]

An duine ab óige de sheisear a bhí ann. Chuaigh sé sna saighdiúirí sa bhliain 1917 agus chaith sé an bhlian dheireanach den Chéad Chogadh Domhanda ag troid sa Sudtirol. Ag deireadh an chogaidh chuir sé faoi in Genova agus musclaíodh a shuim i gcúrsaí litríochta. Chuir sé aithne ar scríbhneoirí agus ar léirmheastóirí na háite agus bhí sé ina chomhbhunaitheoir ar an nuachtán Primo Tempo.

Cuireadh a chéad leabhar, Ossi di Seppia, i gcló sa bhliain 1925. Dhá bhliain ina dhiaidh sin bhog sé go dtí Flórans mar a raibh an leabharlann Gabinetto Vieusseux faoina chúram. Briseadh as an bpost sin é sa bhliain 1938 toisc gur dhiúltaigh sé dul sa pháirtí faisisteach. An bhliain dar gcionn d'fhoilsigh Montale an dara leabhar aige, Le Occasioni. Faoin am seo bhí sé ag obair le nuachtán i bhFlórans agus ó 1948 amach le Corriere della Sera in Milano.

Tháinig La Bufera ar an saol sa bhliain 1956, agus Satura sa bhliain 1971. Is minic cur síos ar thírdhreach Liguria aige.

Saothar[athraigh | edit source]

  • 1925/28 - Ossi di seppia
  • 1938 - Le Occasioni
  • 1943 - Finisterre
  • 1956 - La bufera e altro
  • 1971 - Satura
  • 1973 - Diario del '71 del '72