Eugene Paul Wigner

Ón Vicipéid, an chiclipéid shaor.

Fisicí teoiriciúil a rugadh i mBúdaipeist, a chaith a shaol i ndiaidh 1930 sna Stáit Aontaithe ab ea Eugene Paul Wigner (1902-1995). Chuir sé le forbairt na fisice núicléiche is na teoirice candamaí. I 1927 thug sé coincheap imchoimeád na paireachta in imoibrithe núicléacha isteach. Sna 1930idí chruthaigh sé go raibh raon gearr ag an bhfórsa núicléach láidir. Chuir sé síos ar imoibrithe núicléacha athshondacha agus imchoimeád an mhóimintim uilligh sa ghuairne leictreonach. Roinn sé Duais Nobel sa bhfisic le Maria Goeppert-Mayer is Hans Jensen i 1963.