Drúchtín móna

Ón Vicipéid, an chiclipéid shaor.
Drúchtín móna
Drosera tokaiensis
Aicmiú eolaíoch
Ríocht: Plantae
(neamhrangaithe) Eudicots
Ord: Caryophyllales
Fine: Droseraceae
Géineas: Drosera
L.

Planda beag ascaideach feoiliteach, de ghnáth ilbhliantúil, dúchasach do réigiúin thrópaiceacha is mheasartha san Astraláise is an Afraic Theas. Na duilleoga spúnógchruthach nó liánchruthach, clúdaithe le gruaigí fada dearga. Na bláthanna cúigpheitealach le spící caola. Is cosúil le brathribí na ribí gruaige ar na duilleoga, iad inghluaiste, gach ceann le faireog sféarúil ar a cheann a thálann ábhar greamaitheach. Aomtar feithidí chuig na braoiníní lonracha agus greamaítear iad ansin. Nuair a thosaíonn siad ag coraíocht, lubann na gruaigí isteach, ag cur bac orthu éalú. Ansin lúbann an duilleog féin isteach chun an chreach a imchlúdú. Tálann na faireoga einsímí ansin, agus díleánn an planda an chreach roimh athoscailt na duilleoige is na ribí gruaige. Tá ar a laghad 194 speiceas den drúchtín móna ann.