Dordghiotár

Ón Vicipéid, an chiclipéid shaor.
Dordghiotár le cúig sreang

Is téaduirlis é an dordghiotár. Tá sé cosúil le giotár, ach tá an gléas agus a chuid téide níos mó, le fuaim níos ísle. Sa phop-cheol agus rac-cheol ó na 1950idí ar aghaidh, is é an dord an leath eile den lucht rithime - ag obair go cóngarach leis na drumaí - a chuireann bunús amhrán le chéile do na ceoltóirí eile.

Is minic atá 4 sreang ar an dord, atá tiúnta i gceathrú cosúil le na chéad ceithre sreang ar an gnáth-ghiotár ach sa chéad ochtach níos ísle. Is iad ainmneacha na sreanga seo E A D agus G. Ach úsáidtear uimhreacha difriúla sreanga ag dordghiotáraí nuair atá réimse níos mó nó fuaim éagsúil ag teastáil.

Stair an Dordghiotáir[athraigh | edit source]

Sa 1950idí, d'úsáidtí an Dord Dúbailte chun droichead a dhéanamh ó na drumaí go dtí na uirlisí eile i mbanna ceoil. Ach bhí fadhbanna leis an uirlis seo. Ar dtús, bhí sé mór. Tá timpeall sé troigh ar an dord dúbailte. Rinne sé seo é deacair é a bogadh ó áit go háit. Freisin, bhí sé deacair a seinm. Gan stiallóga cosúil le giotár, bhí ar an seinnteoir a lán cleachta a dhéanamh chun nótaí a seinm i dtiúin. Freisin, chuir sé strus mór ar lámha lena sreanga tiubh i bhfad ón méarbhord.

Is é an dordghiotár leath den grúpa. Dordghiotáraí a tugtar ar dhuine a sheinneann an uirlis seo. I measc na dordghiotáraithe cáiliúla, tá Paul McCartney ó The Beatles, Sting ó The Police, Phil Lynott ó Thin Lizzy, Adam Clayton ó U2, Flea ó Red Hot Chili Peppers, John Entwistle ó The Who, Lemmy Kilmister ó Motörhead, agus Dee Dee Ramone ó Ramones.