Christy Moore

Ón Vicipéid, an chiclipéid shaor.
Christy Moore
Christy-liverpool-philh-oct-08-crop.jpg
Christy Moore ag seinm i Learpholl i nDeireadh Fómhair, 2008.
Tír Éire
Gníomhach 1970idí- inniu
Seánra(í) ceoil Ceol traidisiúnta
Suíomh gréasáin christymoore.com (suíomh oifigiúil)

Is ceoltóir Éireannach é Christopher Andrew Moore (Gaeilge: Críostóir Aindriú Ó Móra), nó Christy Moore mar is fearr aithne air, a rugadh ar 7 Bealtaine 1945 sa Droichead Nua, i gCill Dara.

Bhunaigh sé The Rakes of Kildare lena chara Donal Lunny agus a dheartháir Frank Moore. Bhí Christy ag canadh, sheinn Frank an fheadóg stáin agus sheinn Donal an giotár. D'eisigh Christy a chéad albam, Paddy on the Road, le Dominic Behan (deartháir le Brendan Behan).

Bliain ina dhiaidh sin chuir Christy an grúpa Planxty le chéile, maille le Andy Irvine, Donal Lunny agus Liam Óg Ó Floinn. Bhí an-cháil ar an ngrúpa ar feadh na mblianta agus mheall siad na sluaite chun an cheoil in Éirinn agus thar lear. Ach níor aontaigh baill an ghrúpa le chéile agus d'fhág Moore iad.

Tháinig grúpa ceoltóirí le chéile i 1975 chun comóradh 21 bliain a dhéanamh ar Cheirníní Ghael Linn, seachtar de na ceoltóirí is fearr sa tír ag an am. Tugadh an Bothy Band orthu agus chuaigh a gcáil ar fud an domhain.

Bhí Christy i Moving Hearts freisin, grúpa eile a raibh an-cháil air agus an-tionchar aige ar fhorbairt an cheoil in Éirinn. Bhain níos mó polaitíochta le hamhráin an ghrúpa seo, agus bhí tionchar láidir ag an gceol comhaimseartha rac ar a chuid ceoil. Bhí deireadh leis an Bothy Band faoi 1979 ach ansin tháinig Planxty le chéile arís agus rinneadh trí cheirnín eile. Rinneadh ceirnín speisialta chun cabhrú le teaghlaigh na stailceoirí ocrais i 1980.

Timpeall cúig bliana a mhair Moving Hearts.

Dioscliosta[athraigh | edit source]

  • Planxty, 1973
  • The Well Below The Valley, 1973
  • Cold Blow And The Rainy Night, 1974
  • After The Break, 1979
  • The Woman I Loved So Well, 1980
  • Words & Music, 1983
  • The Planxty Collection, 1989
  • Live 2004, 2004
  • Moving Hearts (album)|Moving Hearts
  • The Dark End of the Street
  • Live Hearts
  • The Storm
  • 1975 The Bothy Band
  • 1976 Old Hag You Have Killed Me
  • 1977 Out Of The Wind
  • 1979 After Hours (Live in Paris)
  • 1983 Best Of The Bothy Band
  • 1994 Live at the Point
  • 1995 The Bothy Band - Live in Concert

Naisc sheachtracha[athraigh | edit source]

Tagairtí[athraigh | edit source]