Cath Chnoc Tua

Ón Vicipéid, an chiclipéid shaor.
Teimpléad:WD Bosca Sonraí ImeachtCath Chnoc Tua
Cineálcath Cuir in eagar ar Wikidata
Dáta na bliana19 Lúnasa 1504 Cuir in eagar ar Wikidata
SuíomhLeacach, Éire Cuir in eagar ar Wikidata


Is éard a bhí i gceist le Cath Chnoc Tua ná cath a chuir na Búrcaigh agus a gcomhghuaillithe ar na Gearaltaigh agus a gcomhghuaillithe ar a chéile ar an 19 Lúnasa 1504 i Leacach i gContae na Gaillimhe.

Troid an-fhuilteach a thit amach idir na fórsaí móra seo. Deir Annála Ríochta Éireann go ndearna Uilleag de Búrca trí chaisleán de chuid Mhaoilseachlainn Uí Cheallaigh (Garbhdhoire, Muine an Mheá agus Gallach) a bhriseadh. Rinne an Ceallach gearán le Gearóid Mór Mac Gearailt, Iarla Chill Dara agus Fear Ionaid an Rí.[1] Chuaigh fórsaí an Iarla agus arm Mhic Uilleam Clainne Riocaird (páirtí Bhúrcaigh an iarthair) i gcath ag Cnoc Tua, agus deirtear gur fágadh an áit ina cosair chró le hiliomad "na sciath arna scoilteadh, na gclaimhte catha arna mbloghadh, na gcolann ciorraithe crosbhuailte", go háirithe láimh le hAbhainn an Chláir i mbaile fearainn Bhaile Uí Bhróin. An Gearailteach agus a chairde a bhain an cath úd.[2][3]

Tagairtí[cuir in eagar | athraigh foinse]

  1. Annála Ríochta Éireann, M1504.13: http://www.ucc.ie/celt/published/G100005D/index.html
  2. Annála Ríochta Éireann, M1504.14: http://www.ucc.ie/celt/published/G100005D/index.html
  3. McCollough (eag.), Wars of the Irish Kings, lgh 239-244.

Leabhair[cuir in eagar | athraigh foinse]

  • Blackmore,Liz, John Cronin, Donal Ferrie agus Bríd Higgins (eag.), 2001. In Their Own Words: The Parish of Lackagh-Turloughmore and its People. Galway. ISBN 0 9539834 04
  • McCollough, David W. (eag.), 2000. Wars of the Irish Kings: A Thousand Years of Struggle, from the Age of Myth through the Reign of Queen Elizabeth 1. Crown Publishing Group. ISBN-13: 9781402895623 / ISBN 1-4028-9562-3

Naisc Sheachtracha[cuir in eagar | athraigh foinse]