Canghiotán

Ón Vicipéid, an chiclipéid shaor.

An bhuneilimint eolais i ríomhaireacht chandamach, giorrú ar ‘giotán candamach’. I ngnáthríomhaireacht is é an giotán an bhuneilimint eolais, le luach 0 nó 1. I ríomhaireacht chandamach códaítear an t-eolas in dhá staid freisin, ach sa chóras candamach ní bhíonn an t-eolas teorannaithe do staid amháin nó an staid eile: is féidir leis a bheith sa dá staid ag an am céanna. Is é a bhíonn i gcanghiotán ná forshuíomh dhá staid chandamacha, staid 0 is staid 1. Nuair a léitear canghiotán, léitear dóchúlacht áirithe go bhfaighfear staid 0 is dóchúlacht áirithe eile go bhfaighfear staid 1, agus milltear carachtar speisialta an changhiotáin sa phróiseas.