Cáithnín fo-adamhach

Ón Vicipéid, an chiclipéid shaor.
An t-imbhuailteoir mór hadróin

I samhail chaighdeánach an adaimh, samhlaíonn an fisicí go bhfuil gach damhna comhdhéanta as cáithníní fo-adamhacha ar a dtugtar feirmiain, agus go bhfeidhmíonn na cáithníní seo fórsaí éartha is aomtha idir a chéile trí cháithníní fórsa-iompartha, ar a dtugtar tomhasbhósóin, a mhalartú. Tá dhá shaghas feirmian ann, na cuairc is na leipteoin: na cuairc ina mbloic tógála de phrótóin, neodróin is méasóin, agus na leipteoin ag cuimsiú na leictreon, na múón is na neoidríonónna. Iompraíonn tomhasbhósóin éagsúla na bunfhórsaí: na graibheatóin an fórsa imtharraingthe, na fótóin an fórsa leictreamaighnéadach, na glúóin an fórsa núicléach láidir a choimeádann prótóin is neodróin le chéile, agus na bósóin an fórsa núicléach lag is bun leis an radaighníomhaíocht.