Beart (ríomhaireacht)

Ón Vicipéid, an chiclipéid shaor.

Is é an beart (byte i mBéarla) an buntomhas spáis i gcúrsaí ríomhaireachta (scaití baintear úsáid as an téarma ochtréad (octet i mBéarla)).

Tá ocht ngiotánsa bheart, agus is féidir 256 luach éagsúil a stóráil in aon bheart amháin (1B). D'fhéadfaí carachtar singil a stóráil i mbeart amháin faoin gcóras carachtar ASCII. Úsáidtear dhá bheart le carachtair a stóráil de réir chóras Unicode (atá tagtha i gcomharbacht, nach mór, ar ASCII). Is féidir 65,536 luach éagsúil a stóráil i dhá bheart. Ciallaíonn sé seo gur féidir carachtair aibítrí uile an domhain a stóráil trí chóras Unicode.

Tomhaiseanna Eile[athraigh | edit source]

Tá na príomhthomhaiseanna spáis eile sa ríomhaireacht bunaithe ar an mbeart:

  • Cilibheart (kB). 1kB = 1024 B (m.sh., teachtaireacht ríomhphoist ≈ 1KB)
  • Meigeabheart (MB). 1 MB = 1024 kB = (m.sh. pictiúr a tógadh le ceamara neamhchasta digiteach ≈ 1MB)
  • Gigibheart (GB). 1 GB = 1024 MB (m.sh., cuid de scannán le fuaimrian ≈ 1GB)
  • Teireabheart (TB). 1 TB = 1024 GB (m.sh., bailiúchán mór ilmheáin ≈ 1TB)