Arno Allan Penzias

Ón Vicipéid, an chiclipéid shaor.

Réaltfhisicí a saolaíodh i München na Gearmáine is ea Arno Allan Penzias (1933-). D'oibrigh sé sna Stáit Aontaithe i saotharlanna Bell. I 1963, nuair a bhí sé féin is a chomhghleacaí Robert Wilson ag mionscrúdú an fhothram raidió a bhí ag cur isteach ar chumarsáid Domhain/saitilíte/Domhain, tháinig siad ar an iarmhar radaíochta i gcúlra an teasa fhíordhéin ón Ollphléasc ag tús na Cruinne. Ba é seo an radaíocht chosmach mhicreathonnach chúlrach a réamhinis George Gamow is Ralph Alpher i 1948. Le Pyotr Kapitsa is Robert Wilson, bhuaigh sé Duais Nobel sa bhfisic i 1978 as.