An Chomhairle Aireachta Thuaidh-Theas

Ón Vicipéid, an chiclipéid shaor.

Comhlacht a bunaíodh sa bhliain 1998 faoi Chomhaontú Aoine an Chéasta (1998) (ar a dtugtar Comhaontú Bhéal Feirste) is ea An Chomhairle Aireachta Thuaidh-Theas (CATT), chun comhairliúchán, comhoibriú, agus gníomhaíocht a fhorbairt laistigh d'oileán na hÉireann - maidir le hábhair comhleasa agus laistigh d'inniúlacht na Riarachán, Thuaidh agus Theas. Dá bhrí sin, cuimsítear Airí Feidhmeannacht Thuaisceart Éireann agus Rialtas na hÉireann i gCATT, ag comhoibriú le chéile chun comhair idir an dá chuid den oileán a thabhairt ar aghaidh le haghaidh an tsochair fhrithpháirtigh.