Aimfitéatar

Ón Vicipéid, an chiclipéid shaor.

Amharclann faoin spéir le céimeanna suíochán timpeall ar spás ciorclach nó ubhchruthach léirithe. Shaothraigh na Rómhánaigh an fhoirm seo foirgnimh ó bhunúis Éatruscacha, b'fhéidir, le haghaidh comhrac gliairí agus eachtraí is léirithe eile. Tógadh na haimfitéatair luatha as adhmad, ach de réir a chéile is as cloch a tógadh iad. Tógadh an chéad cheann sa Róimh féin i 59 RC. Tá samplaí le feiceáil fós i bPoimpé (70 RC), Verona (290 AD), agus an Colasaem (72-80 AD) sa Róimh le suíocháin do 50,000 duine.