Éamon Mac Giollamóir

Ón Vicipéid, an chiclipéid shaor.
Éamon Mac Giollamóir
Eamon Gilmore Conference 2010 cropped.jpg

In oifig
9 Márta 2011 - 4 Iúil 2014
Réamhtheachtaí: Máire Ní Chochláinn
Comharba: Joan Burton

In oifig
9 Márta 2011 - inniu
Réamhtheachtaí: Brian Ó Comhain
Comharba: (i seilbh oifige)

In oifig
6 Meán Fómhair 2007 - 4 Iúil 2014
Réamhtheachtaí: Pádraic Ó Coinín
Comharba: Joan Burton

Dáta breithe 24 Aibreán 1955
  An Chealtrach, Contae na Gaillimhe
Páirtí Lucht Oibre

Is polaiteoir Éireannach é Éamon Mac Giollamóir (Béarla: Eamon Gilmore)(24 Aibreán 1955 a rugadh é), atá ina cheannaire ar Pháirtí an Lucht Oibre ó 2007. Is Teachta Dála é ar son Dhún Laoghaire sa Dáil ó 1989 agus sa bhliain 2011 ghlac sé ról an Tánaiste agus Aire Gnóthaí Eachtracha. D'fhógair sé ar an 26 Bealtaine 2014 go raibh ag éirí as a phost mar cheannaire an pháirtí agus go mbeadh sé ag éirí as ról an Tánaiste ar an 4 Iúil 2014 tar éis gur éirigh go dona lena pháirtí sna toghcháin áitiúla agus Eorpacha.[1]

Saol[athraigh | edit source]

Rugadh Éamon Mac Giollamóir ar an 24 Aibreán 1955 sa Chealtrach, Contae na Gaillimhe. Fuair sé a chuid oideachais meánscoile i gColáiste Ghearrbhaile, Béal Átha na Sluaighe agus ina dhiaidh sin d'fhreastail sé ar Ollscoil na hÉireann, Gaillimh áit ar chaith sé bliain mar Uachtarán Aontais na Mac Léinn. Bhí sé ina Uachtarán ar Aontas na Mac Léinn in Éirínn ó 1976 go 1978. Ag an am sin, bhí a ainm luaite le Sinn Féin Oifigiúil. Sa bhliain 1985, toghadh Mac Giollamóir mar chomhalta ar Chomhairle Contae Bhaile Átha Cliath. Toghadh é do Dháil Éireann den chéad uair ag olltoghchán na bliana 1989 agus atoghadh é ag gach olltoghchán ó shin i leith.

Idir 1994 agus 1997 ba Aire Stáit é ag Roinn na Mara. Ó 1992 ba bhall den Daonlathas Clé é go dtí gur nascadh an páirtí sin le Páirtí an Lucht Oibre sa bhliain 1999. Nuair a d'éirigh Pat Rabbitte as ceannaireacht an pháirtí i mí Lúnasa 2007, d'fhógair Mac Giollamóir go mbeadh sé ina iarrthóir don cheannaireacht. Fuair sé tacaíocht fhorleathan taobh istigh den pháirtí agus fógraíodh ina cheannaire é d'aon ghuth ar an 6 Meán Fómhair gan ballóid ar bith.

Tagairtí[athraigh | edit source]

  1. [1] Alt ag suíomh an BBC

Naisc Sheachtracha[athraigh | edit source]